रौतहट जिल्लाको राजपुर नगरपालिका–३ डमार पोखरी टोलमा एक महिलाको मोबाइल चार्ज गर्ने क्रममा करेन्ट लागेर मृत्यु भएको छ। मृतक ३० वर्षीया गुलनाज खातुन हुन, जो शेख सफुला अन्सारीकी पत्नी हुन्।
जिल्ला प्रहरी कार्यालय रौतहटका अनुसार आज अपराह्न ४:२० बजे खातुनले आफ्नै कोठामा मोबाइल चार्ज गर्ने क्रममा करेन्ट लागेको थियो। घाइते अवस्थामै उनलाई उपचारका लागि प्रादेशिक अस्पताल गौर लगिएको थियो, जहाँ चिकित्सकले साँझ ५ बजे मृत घोषणा गरेका थिए।
हाल घटनाको थप अनुसन्धान भइरहेको र शव पोस्टमार्टमका लागि सोही अस्पतालमा राखिएको प्रहरीले जनाएको छ। विद्युतीय उपकरणको असुरक्षित प्रयोगले ज्यान जाने घटना प्रति स्थानीयवासी चिन्तित भएका छन्।
Author
About The Author
